曾喺日本電影《20世紀少年》系列中飾演女主角珈南嘅32歲女星平愛梨，噚日終於傳來大肚喜訊，其老公、日本國腳長友佑都透過Instagram宣佈造人成功，同時貼出兩夫妻穿上情侶Tee嘅恩愛合照，長友佑都摸着平愛梨微凸肚皮且情深互望，雖然未有談及愛妻嘅預產期，呢個po約12小時已多逾20萬網民讚好。

平愛梨今年1月嫁拍拖三年嘅長友佑都，二人曾於記者會上表示希望可生夠11個子女，而平愛梨大前日偕藝人妹妹平祐奈同埋圈中好友現身球場，為爭奪世界盃決賽周出戰資格嘅日本隊打氣。