醫藥股繼續喪炒,相關股份昨日幾乎全線掃高,呢個現象好耐都冇見過。其中一隻喪炒股係剛公佈業績的維奧醫藥(1164),繼前日升13%後,昨日再升28%,收報0.305元。
該公司宣佈業績同時,也宣佈改名為維奧集團,以反映其更廣泛之投資策略,改得名應該有動作在計劃當中,否則唔使勞師動眾去改名。
維奧09年度盈利倒退13.2%至5301萬元,但由於該公司早已發出盈警,故上述消息市場早已消化。事實上盈警已指出公司面對的情況,公司聲明說預期09年下半年盈利受到集團藥品「Osteoform」更換進口藥品註冊證的影響,業績預期將錄得大幅度盈利倒退。上半年集團純利3725萬元,已較上年同期倒退34%,下半年實際只賺約1600萬元。