57歲姓謝相機零件店老闆於昨晚10時許，在彌敦道的東亞銀行ATM存款時，被女子持鐵鎚從後扑頭。他後腦被扑穿，傷口達一吋長，事後送院敷治需要縫3針，幸目前已經出院。惟他猶有餘悸向《蘋果》表示，今次算是不幸中之大幸，因為施襲者是一名中等身材的女子，「如果個歹徒係男人，我條命仔凍過水，男人大力好多！」

現場是旺角彌敦道720至724號東亞銀行，謝指當時放工吃過晚飯後，到上址ATM存款，其間每次存入1.5萬元，已分6次共存入了9萬元，身上斜孭袋內尚餘數萬元未存款；詎料此時卻遭女歹徒持鐵鎚從後扑頭。

「俾佢(女歹徒)扑頭，我唔知咩事㗎，我擰過面向後望，我就見到佢，佢亦見到我，跟住佢掉咗個鎚仔走咗佢，無出過聲。」謝指當時情況混亂，事發過程很短，不肯定女歹徒是否有同黨，懷疑自己在ATM存錢最少有10分鐘之久，過程中已被對方盯上，「可能佢(女歹徒)唔止一個人，佢負責扑我，另一個(同黨)準備搶錢，可能佢(女歹徒)扑完我見我仲有反應，知道事敗就即刻走咗，我當時都有大嗌！」

謝形容女歹徒的衣着似內地人，約5呎3吋高中等身材。事後警員到場調查，他不諱言警員亦曾詢問他有否涉及錢銀瓜葛或感情糾紛，惟他斷言：「其實我哋呢啲好正常，日日返工放工，又唔去夜街，冇呢啲嘅。」

謝又表示自己日常也是放工到櫃員機存款，主要是避免日間到銀行存款要排隊麻煩，「其實當時夜晚10點幾都唔算夜，嗰度(東亞ATM)都好多人」；未料今次會遇事。他直言由於生意額銀碼大，「賣部機都一萬幾千」，日後會考慮轉變存款方式，「或者朝早搵人去入錢」，以策安全。

你敢爆，我敢獎！ 即Call《蘋果》24小時爆相爆片熱線 ：63836568