當年今日
關於我們

【名家即時睇】阿信屋炒法(高明)

蘋果日報 2014/04/24 06:00

阿信屋高明

阿信屋(CEC(759))老闆林偉駿同港視(1137)王維基求其影張合照,阿信屋(大家都唔介意我咁稱呼隻股啦!)股價都可以升兩成,當然,高明冇衝到,所以仲喺度寫稿。

阿信屋炒法,係金融海嘯之後,打破悶局下市場集體「發明」出嚟。阿信屋舊年年底喪炒,由開始每日有消息出,升一成至兩成,到當時話搞化妝品、開KawaiiLand,就一日升一蚊,第二日仲一朝升一蚊,然後炒爆散水,個幾到五蚊,只係用咗一個月多啲啲。可惜嘅係,高明未買過阿信屋(好似係)。

同樣炒法,啟發咗之後半新股潮,最接近係IGG(8002),上市後無人理一輪,之後一個月,到有日開記者會,嗰日全日喪升,到公佈同騰訊(700)合作,第二日又炒爆,之後散水。

其他博雅互動(434)、創新支付(8083)、神州數字(8255),都有啲類似。阿信屋炒法之前當然出現過,據講應該同科網股差唔多,高明股齡唔長,未見過。另一相似炒風,只見過資金自由行之後嘅窩輪,但有少少唔同,就係07年乜都炒,乜都喪升唔出奇,嚿年個市冇乜咁勁。

明明第一次錯失阿信屋,學精咗,半新股潮乜都衝,叫做跟到,可惜,近排市悶太耐冇炒股,懶懶閒,高明一朝早facebook見到兩位老闆張合影,冇跟進;同事千頌C衝過嚟話升咗7%,都冇跟進。唉!

高明

偶像派財演高明Facebook專頁:www.facebook.com/AppleKoming