梁詠琪（GiGi）生完B女祈淑菲（Sofia）三個月後逐漸復工，噚晚呢位靚媽咪現身上海，出席施華洛世奇首飾展活動，並獲大會送贈以水晶串成嘅100字樣，祝佢囡囡滿一百日。

GiGi表示返港會為囡囡搞百日宴，佢笑言首次與囡囡分開，唔能夠陪佢瞓覺：「以前出埠做嘢唔捨得走，0依家心情好唔同，第日朝早即趕返香港餵奶。」

GiGi透露工作已排到明年底：「年底會拍戲，之前有BB已休息咗一年，所以想生多一個BB，都言之過早。」GiGi表示Sofie已有「小高妹」的花名：「帶佢去探另一個十個月大嘅BB，佢哋係一樣高，名副其實係『小高妹』。第一個月湊佢最辛苦，0依家估到佢為咩喊，佢0依家有時會大笑，笑到『卡卡卡』聲好可愛，所以我同老公都會用好多法寶博佢一笑！」問到會否畀囡囡長大後入行，佢表示會尊重女兒的意願，如佢她想都唔會阻止。