派Tee造勢 搗亂老廟
馮仁昭四圍超：尹光粗口歌Rap爆紅館 - 馮仁昭
蘋果日報 2009/02/21 00:00
開口埋口都唱諧音粗口歌嘅尹光又開演唱會喇！不過今次唔係得幾千個位嘅伊館、賽馬會綜藝館呢啲細場，而係啱啱裝修完嘅紅館。噚日尹光就返番去佢嘅根據地廟街宣傳，即場派「爆金爛」演唱會T恤，搞到圍觀嘅阿叔阿嬸即時起勢咁搶！
18年前喺紅館搞過個人演唱會嘅尹光，下月11號會再次單獨孭飛踩上紅館舞台，最勁係嘉賓有rap到攞獎嘅農夫同樂隊Soler，尹光話：「我同佢哋好friend㗎，其實rap咪即係粵劇當中嘅數白欖！」問佢點解唔請一樣rap得嘅陳冠希，佢話：「佢點會出去吖，匿埋啦，佢就梗係勁啦，全世界都知佢單嘢喎，佢出嚟（演唱會）爆梗呀！」
18年前喺紅館搞過個人演唱會嘅尹光，下月11號會再次單獨孭飛踩上紅館舞台，最勁係嘉賓有rap到攞獎嘅農夫同樂隊Soler，尹光話：「我同佢哋好friend㗎，其實rap咪即係粵劇當中嘅數白欖！」問佢點解唔請一樣rap得嘅陳冠希，佢話：「佢點會出去吖，匿埋啦，佢就梗係勁啦，全世界都知佢單嘢喎，佢出嚟（演唱會）爆梗呀！」
一話派T恤，圍觀街坊即時起哄，搞到尹光要拋件衫畀佢哋。
尹光喺廟街演繹新歌，表情生鬼搞笑。
新歌《黐膠線》
有尹光，梗會有諧音粗口歌，開演唱會當然有新歌，佢話：「新歌叫《黐膠線的少年》。」問佢怕唔怕俾人話講粗口？佢話：「李嘉誠以前都係穿膠線之嘛，有膠花自然就有膠線要穿㗎啦！」