葉文輝日前在天后廟道拍攝新歌《沒有童話》MV，邀請了無綫藝員李彩寧擔任MV女主角，故事講述兩人原為情侶，不過其後女方因有第三者而提出分手，兩人在MV中不乏纏綿鏡頭。
其實MV起初並沒有安排接吻場面，不過導演應啤梨要求加插親熱戲，友情客串女主角的李彩寧到場後才得知此事，雖然她答應要求，但顯得一臉無奈。
啤梨事後接受訪問時說：「次次拍MV都話有第三者，我就係俾人飛嗰個，最火辣嘅場面都冇我份，我有睇過李彩寧演嘅電視劇，覺得佢幾靚。」

問李彩寧對於無故加插接吻鏡頭會否不滿，她說：「我知佢今日發燒，驚俾佢傳染，好彩我有跟師傅學氣功，應該頂得住，我每日都會練個幾鐘頭氣功基本十式，我之前有哮喘，都係靠練氣功醫番好。」
採訪、攝影：卓美娟