龜之中，淡水鱷龜最惡，不過養鱷龜8年的Ivan，坦言「鍾意佢嘅外型，同埋好獨特既獵食方式」他說，鱷龜一般分平背鱷龜及列為瀕危物種的凸背鱷龜，其中凸背鱷龜外型獨特，「個嘴三角型，好鋒利，背部凸出，有三排刺，好似鱷魚咁！」

他指，凸背鱷龜最最獨特之處是咀部內裡中間有條紅色小脷，可以吸引魚游近，這類鱷龜會伏在水底，張開嘴巴，「喺水底條脷郁下郁下，啲魚會以係紅蟲，游埋去咬，一咬隻龜就會合堆口，食左條魚！」

現時Ivan家中養有各一隻平背鱷龜及凸背鱷龜，他說外國研究發現野生鱷龜嘴部咬合力達千磅，犀利過獅子老虎。養龜老手如他亦被龜龜咬傷，一次咬到鼻，好在只是破了皮，另一次咬傷手指，則要養傷一個月才痊癒。

他指：「好多人貪新鮮買(鱷龜)嚟養，無諗過鱷龜好兇猛，又長得好快，長大了屋企無位養，送畀人又冇人要，就隨便喺水塘放生。」

《突工隊》四圍去，大小事都為你追！