現正舉行嘅第68屆康城影展，舉行緊紅地毯環節，當中有一位女星非常搶鏡，雖然佢條裙「痴晒地」，外國嘅攝影記者亦未必認得佢，但一定爭住影，佢就係張馨予。

佢一身拖尾裙，以傳統東北棉襖大花pattern做材料，紅紅綠綠咁，見到雙眼都暈一暈，然後髮型仲有小小似紅孩兒咁....真係時裝嘅嘢，大家識條鐵咩...呢種pattern嘅棉襖是但上深圳都大把有得買，好有中國特色，但靚唔靚呢?應該不在張馨予考慮範圍，因為佢呢身打扮，喺微博已經成為熱話啦。

不過一個靚女突然披上「東北大媽」嘅感覺搶鏡，值唔值得呢?