【新增動新聞】
反送中浪潮席捲全城，為確保7.1升旗禮不受阻，特區政府下令會展中心今日封館，兩個大型展覽被迫提早昨晚結束。不少參展商批特區政府猶如驚弓之鳥，竟以安全為由，冰封灣仔，「遊行、升旗禮都係星期一，有冇咁嘅需要咁大陣仗呀？」有參展商透露，展覽提早一日結束，除了損失場租外，估計單是周日已損失最少8、9萬元生意額，希望會展及主辦機構可以賠償周日封館的場租。

會展昨日下午宣佈，基於安全及保安理由，政府決定今日將會展中心全面關閉。原訂今日才閉幕的優質寵物用品展及家居博覽要臨時在昨晚9時提早結束。

已參加寵物展幾年的參展商黃小姐直言，為今年的展覽籌備多時，「浪費晒時間、心血，我哋8、9個月前已經要揀位、畀場租、佈置等等，為咗個展亦預多咗貨量。」她稱，3日展期場租約3萬多元，提早結束最少損失8、9萬元生意額，「以往咁多屆經驗顯示，星期日生意係最好嘅一日，單是今日已損失最少8、9萬生意額，仲未計其他損失。」

她又透露，大會早前已向參展商表示，周日展期結束後，不能即日撤場，「星期四set場嗰時，大會已經同我哋講星期日結束後，因為封路唔可以即日撤場，但就可以做到星期日。之後會安排7月2號撤場。」但昨日下午才突然接獲大會通知要提早結束，「4、5點先收到消息話只可以做埋今日（星期六），嗰吓好突然啦，我哋冇咗一日展期，係咪畀兩日租呢？但我哋而家連租金都未必攞得番。」

她又批評，政府以安全理由封場，「第一日展覽時已經好多警察、警車，遊行、升旗禮都係星期一，有冇咁嘅需要咁大陣仗呀？個展又唔係有咩示威，好平靜，都係寵物入場，我唔明係咩安全理由，到底有咩唔安全？」

主辦兩展覽的展覽集團發言人黃大鈞表示，將與會展及參展商洽談賠償問題，又指大會也損失約4成的門票收益，「要先同會展傾，我哋同樣畀咗3日場租會展，我哋同其他參展商同樣損失一日入場收入、場租，會先同會展溝通，睇吓可唔可以快啲同會展傾到。」

-----------------------------
七一遊行2019
主題：撤回惡法 林鄭下台
副題/口號：重啟政改 釋放所有政治犯 撤銷暴動定性 徹查612鎮壓
日期：2019年7月1日
集合時間：下午2時30分
遊行路線：銅鑼灣維園中央草坪至金鐘政府總部
主辦團體：民間人權陣線
-----------------------------
【登記做選民 7月2日截止】

網上登記：
。方法1（登入此網站 ，按步驟3分鐘完成）
。方法2（可用手機登入，在選舉事務處網頁打開REO-1表格，使用免費手機應用程式Adobe Fill & Sign打開表格，再按指示填寫資料，按儲存文件並以點擊分享，再電郵至 [email protected]）

詳情可參閱選舉事務處網頁：
https://www.reo.gov.hk/ch/voter/gcnr.htm

-----------------------------
7月4日起 《蘋果動新聞》只限升級壹會員閱覽
繼續撐蘋果！