緋聞男女馬國明同朱晨麗，今日不避嫌以情侶檔姿態出席，兩個人仲夾手夾腳整飾物。而朱晨麗穿上貼身衫騷Big爆身材，仲好大方應記者要求，翹實馬明壯臂影合照。

問到係咪收情侶檔酬勞？馬明就笑笑口話：「梗係啦，傳緋聞到依家先有第一單job，幾開心，但唔知係唔係收貴啲，我冇問，都係公司搞，我唔介意，都係搵吓食，仲開心。」不過馬明就話唔會酬勞獻俾朱晨麗喎，但朱晨麗就話酬勞應該一人一份，自己亦唔介意情侶檔搵錢。