「毛記電視第一屆勁曲金曲分獎典禮」第2位由真.陳奐仁嘅《北韓海闊天空》得到,不過由於佢日理萬機,未能抽空出席,主播黃慘盈呼籲現場觀眾一齊以半咸淡韓文一齊唱,反應都好熱烈。
第1位,萬眾期待,由真.河國榮嘅《亞視永恆》奪得,呢首歌喺《勁曲金曲》從未落榜,但亦從末拎過冠軍,真.河國榮上台好感動話:「多謝晒,一定要多謝100毛同毛記電視,100毛真係有創意,有心有愛,值得佩服,今晚都係想多謝個band,佢哋真係好好聽,多謝晒,當然撐住我好多年,照顧我,支持我,喜歡我,忍我嘅太太,佢好低調。」此時影住河國榮太太於台下拍片。
河國榮話:「最後最重要,多謝香港人,你哋對我咁好!多謝晒!」