藍奕邦最近就忙住拍《孔雀開屏》MV，今日佢就去咗清水灣片開工，現場仲有個著住三點式好性感嘅女模特兒，仲同阿邦有唔少親密接觸。

阿邦話新歌由林夕填詞，係入行咁多年林夕第一次為佢寫詞嘅歌，希望講述大家對情慾嘅看法，同現實生活有有好多偽君子，佢話:「有好多網民或者花生友好多道德標準但又要睇，有啲人關埋房門原來又好open。」問到阿邦係唔係閂埋房門就開放嘅人?阿邦笑住話:「咁我房門外都open。」

阿邦又話模特兒係自己親自挑選，問佢點解唔揀一個身材好啲嘅?佢話:「我唔覺得胸或者事業線係挑選條件，女仔最緊要氣質。」