當年今日
關於我們
中環在線:南灣道地皮 墓地冇骸骨 - 李華華
蘋果日報 2011/10/25 00:00
南區南灣道豪宅地皮嚟緊今個星期五截標,唔知係咪因為仲有幾日就到萬聖節,地政總署想與眾同樂,搞鬼一下。噚日喺網頁度彈出一則有關南灣道地皮嘅驚人消息:地皮有墓地。
不過唔使驚,根據資料話,政府04年視察嗰陣,已發覺墓地冇骸骨,今次係向大家講明。不過,有關資訊唔會成為塊地嘅資料,同埋賣地章程嘅一部份。
換言之,呢個溫馨提示,背後意思可能係話畀發展商聽,你哋唔好妄想用呢個理由壓我價,我唔會平畀你哋。
呢幅地皮所在地區,家係全港最有錢嘅人聚居地之一,風水應該唔差得去邊,市場估幅地值4億至5億銀。