當年今日
關於我們

中島美嘉拍拖三年終報喜 下月嫁排球手清水邦廣

蘋果日報 2014/11/26 06:00

結婚中島美嘉即時向井理清水邦廣

日本藝能界呢排喜事不絕,繼西島秀俊同向井理呢兩個筍盤先後都話娶老婆,今日又有報章頭版報道指,曾以代表作電影《NANA》紅爆亞洲嘅中島美嘉,都會喺下個月同拍拖3年嘅排球選手清水邦廣拉埋天窗,趕住今年前出嫁,真係可喜可賀!

中島美嘉加入樂壇13年,多年嚟真係推出過唔少好歌,尤其被翻唱歌無數次嘅《雪之華》更加係經典,就連香港嘅周柏豪、徐濠縈都講過話係佢歌迷。