張嘉兒、黎燕珊與向海嵐等今天於觀塘出席時裝設計活動的記者會，懷有第二胎的嘉兒貪靚穿上3吋高踭鞋現身，她透露預產期為5月，笑言對「卸貨」不太緊張，卻擔心細女出生後與大女兒的相處：「怕大女會呷醋，希望佢哋融洽，因為而家瞓覺嗰度都未有安排，大女兩年嚟都黐住我瞓，如果細女又要一齊嘅話我就冇覺好瞓，所以而家屋企裝修，希望張床可以大啲。」

嘉兒還指大女有敏感的問題，她說：「希望細女冇大女嘅敏感問題，第一胎戒得好清，呢一胎就乜都食，試吓唔同嘅方法，而家30周，2星期就要開始清胎毒。」提到日前在小巴遺失鎖匙包，最後司機拾獲，失而復得，嘉兒說：「好好彩，好開心，不過老公就話啲luck唔好用喺咁少嘅事上面，之前試過喺地鐵唔見電話，都搵得返，我呢個大肚婆大懵啲。」

而曾奪亞姐冠軍的黎燕珊現身支持，由於活動是由港姐組成的慧妍雅集所支持，珊姐表示為慈善冇分國界，亞姐與港姐也可以一同為慈善出力。

珊姐表示愛將想到的設計交給設計師，並製作母女裝，問她會否想為女兒設計婚紗？珊姐說：「未諗咁遠，如果佢結婚我會唔捨得，我好錫佢，家庭背景同條件都唔重要，要踏實有上進心、錫佢。佢由頭到尾都係得一個（男友），比我更加專一，之前佢放大假，同我講話唔捨得唔陪我，仲鼓勵我搵另一半，呢樣嘢對我係發咗霉，我都有人追㗎，不過配唔起我。」問她要求是否太高？珊姐說：「我嘅底線降到最低，一定要係男人，係教徒，錢財擺喺後面。」她亦表示不介意對方曾有家庭，認為這樣才是同路人，問她可擔心囡囡會因為自己未有伴而不捨得嫁？珊姐說：「唔擔心，我哋兩家人關係好密切，佢而家25歲，仲細，我當年結婚都係29歲。」

3月7日《動腦Q馬拉松》
一日玩11場 全日派22萬
12:30pm-10:30pm
Let's QQQQQQQQQQQ the money！
http://bit.ly/2ICO2Mb

《Captain Marvel》完全導讀本
足料78頁 深度解構最強英雄！
https://bit.ly/2VyXIt2

第二屆最港電影大獎投票網址
https://bit.ly/thekongestfilmawards2018