美國傳媒公佈NBA球隊2016-17年球季各隊球隊淨收支，堂堂總冠軍勇士，就以正收入9190萬美元（約7.2億港元），排NBA第2位，球場上勇士就打遍天下無敵手，但商場又輸俾邊隊？原來係湖人，湖人上季正收入達1.15億美元（約9億港元）。

雖然湖人連季後賽都冇資格，但勝過過去建立嘅商品價價，仍然吸收大量贊助；而直播收入亦遠比其他球隊高，湖人上季直播收入達1.5億美元，差不多係勇士5倍，難怪賺咁多錢。唔好以為搞NBA球隊就一定賺，上季有多達14支球隊入不敷出，蝕得最甘係活塞，成季蝕4510萬美元。