禮拜日田草十場賽事用B加2欄，睇番最近2月6日同一移欄賽事，除了兩場五班賽由前置馬「駕迅」及「兄弟醒」勝出之外，其餘各場清一色由後上馬建功，可見後追馬絕對唔蝕底，不宜過份側重前置馬，抽中外檔靠後勁食糊馬更值得捧場。
今戰列陣馬中，七場「天才」正是於2月6日跑B加2欄贏馬，縮程跑番最首本之1600米，有力捧走主席錦標。與前駒同主之尾場「英才」三次角逐田B加2欄均上名，後追馬明顯特別適合在此跑道發揮，憑較佳場地性能可威脅大局。