對於最近的工作,松枝透露全部已經停頓:「個個都手停口停,我未開口問人借錢已經偷笑。」他表示早前在大馬拍劇集《女法醫JD》,劇中飾演法醫,他說:「之前冇我戲份就先返嚟香港,宣傳《二月廿九》,我本來下星期要返大馬繼續拍,而家冇啦,拍唔到,睇吓會唔會喺香港搭返個景拍,冇減少我戲份,因為我戲份爭少少啫!」提到馬來西亞政府宣佈由今日起至31日全面鎖國,令到同劇演員蔡卓妍和關智斌要執行李「走佬」,松枝說:「冇聯絡呀,仲敢講咩,唔敢問,我喺度就話問啫!」談及這套劇除了有「港版孔劉」的松枝外,亦有自稱「圓斌」的關智斌,松枝拍照時忍不住大派心心,並笑說:「好韓風!」