當年今日
關於我們

傅明憲為亡犬設基金救助動物

蘋果日報 2005/09/26 00:00


傅明憲昨日以愛護動物協會會長身份在赤柱出席活動,其愛犬綠茶早前病逝,為了紀念愛犬,傅明憲除了為愛犬守齋期外,更為牠成立「綠茶醫生紀念基金」,以幫助動物。
香港愛護動物協會昨日在赤柱富豪海灣舉行「富豪海灣慈善午宴」,活動收益全數撥捐協會基金,除了身為愛護動物協會會長的傅明憲帶同四隻愛犬出席活動外,懷有五個月身孕的關詠荷、富豪酒店太子女羅寶文、梁洛施、陶大宇和陳細潔等均有出席。
關詠荷被偷窺
傅明憲除為早前病逝的北京狗綠茶守齋期,又表示以另一種形式帶綠茶出席活動,她說:「今日我頸上嘅鑽石吊墜其實係代表佢(綠茶),個牌子係Adler,嗰時我同綠茶去睇醫生經過呢間鑽飾店,見到買嘅。我重幫佢成立咗綠茶醫生紀念基金,今日係第一次以佢嘅名義幫協會基金籌款,希望用佢嘅名義多做善事,雖然今日佢嚟唔到,但仍然在我心中。」
此外,腹大便便的關詠荷帶同一歲愛犬得仔跟傅明憲的狗仔合照時,傅明憲的愛犬比目魚竟十分百厭,猛偷窺關詠荷裙底春光。
梁洛施養蜘蛛
關詠荷表示縱然有身孕,但仍然會繼續養狗,她說:「因為啲狗陪伴我度過唔少寂寞嘅時間,有咗BB頭嗰幾個月日日都係對住佢哋,雖然我唔算係一個好主人,但我會盡責任照顧佢哋。」
梁洛施表示雖然沒有養狗,但就計劃養蜘蛛,她說:「因為養狗冇時間打理,但我已問准媽咪,佢畀我養蜘蛛,因為唔需要太多時間打理,又唔使帶落街,最主要係我覺得佢哋好可愛。」
此外,楊千嬅因有事未能出席午宴,但她特於晚上到場,以支持是次活動。
採訪:馮美茵
攝影:陳偉權
empty
(左起)陶大宇、關詠荷和傅明憲均是愛犬之人,故此老友鬼鬼。
empty
梁洛施表示已問准媽咪,準備飼養蜘蛛。