又係要講男子100米蝶泳呢場決賽，不過今次要講嘅並唔係獎牌得主，而係好慘拎唔到牌嘅中國泳手李朱濠。李朱濠有咩咁慘？因為佢游出嘅時間雖然係第三快，但都冇牌到手囉！

呢場男子百米蝶決賽，新加坡嘅史高寧以50秒39嘅破奧運紀錄時間奪得金牌，搞到佢偶像美國嘅「水神」費斯衛冕失敗，而今場攞銀牌嘅唔止費斯一個，仲同佢一樣游出51秒14嘅南非泳手拿高斯同埋匈牙利泳手斯捷，咁銀牌都有三個，游出51秒26嘅李朱濠雖然時間上係第三快，但名次就變咗第5，所以咪冇牌囉！

不過李朱濠對於攞唔到似乎唔算好失望，賽後接受訪問時話覺得自己游得唔錯，後尾仲出自己隻右手，對住鏡頭話自己同費斯喺泳池入面握咗手，仲話︰「不敢洗手了，太爽了」，似乎同費斯握到手仲緊要過攞牌咁噃！