【本報訊】教育是脫貧蹊徑，惟高昂學費讓貧窮成為宿命。80後社工巫志勇（圖）月入近兩萬元，為繳碩士學費租住花園街劏房。去年底排檔大火，他逃出生天，卻未走出困局，他對新預算案在長遠協助脫貧的教育、房屋問題上不存厚望。

巫志勇去年火劫後，曾當面質問特首「係咪要人永遠住劏房」。他既要供養父母，又要繳付學費，與人合租劏房仍感吃力，「由副學士讀到master用咗30萬……好多學生畢業就欠落幾十萬，點脫貧？如果重視教育，點解咁少資助學額？」他曾在夜晚上班幫補，隔晚開通宵，「唔係年輕人唔肯捱，而係呢個咁富庶嘅社會，點解有人仲要咁樣捱」。
他又認為政府未有提供足夠公營房屋，令樓價急升連帶租金狂升，劏房需求畸形大增，「一次派6,000蚊唔會有長遠得益，應該諗齊長、中、短線紓困措施，公營房屋係好重要一環」。