中共總書記習近平在《告台灣同胞書》發表40周年紀念會上就對台政策發表講話，再提以一國兩制統一。不少香港政界人士對習忽然再以一國兩制作為統一方法大惑不解，全因中共在港落實一國兩制逾廿年，早已向台灣人證明一國兩制只會剝削人權自由，而以他們理解，由中共收緊對港政策開始，早已不再認為香港一國兩制對台有示範作用，「𠵱家習近平忽然又拎一國兩制出嚟講統一，唔通佢認為背棄香港普選承諾、DQ民選議員嘅一國兩制，台灣人民會接受，自願放棄民主人權？」

有民主派人士稱，當年已故中共元老鄧小平提出一國兩制，原意是解決台灣統一問題，並先以香港作「示範單位」，「所以原本嘅一國兩制好寬鬆，可以有全民普選、鄧小平話連親英親美嘅人，都可以管治香港」。但回歸後一國兩制開始變形走樣，「特別係03年七一後，中共開始加大力度干預香港，亦開始放棄香港作為一國兩制示範單位嘅想法，曾經有內地人士同我講，唔好再諗中央對港政策會影響對台統一，因為中央唔覺香港一國兩制對台有乜作用」。

所以習忽然高舉一國兩制統一，令該民主派人士大惑不解，因為數年前他到台灣觀看選戰，不論是國民黨還是民進黨的人，均以香港一國兩制為反面教材，「有國民黨人話，香港一國兩制令民主、人權倒退，連馬英九都話台灣絕不接受一國兩制，就算最支持統一嘅國民黨人，都以香港為鑑，一定唔接受一國兩制，試問一國兩制仲有乜市場？」