厚德商場二樓美食廣場有多間不同種類食店,如粥麵、燒臘、甜品小食等,今年五月底突然停業,全場圍上木板封閉。租戶忿忿不平向本報投訴,租約本於年底才屆滿,但承包商於今年四月底向租戶發出律師信,指由於租戶拖欠租金,要租戶離場及要扣押按金。
天花滲水老鼠出沒
商戶表示,場內管理欠佳,一年多前已發現許多地方出現天花滲水、剝落等問題,衞生環境亦欠善,常出現老鼠曱甴;租戶曾多次向管理公司反映,但一直不獲處理。「做食肆最忌係咁,咁嘅環境點保障到食客健康?我哋真係忍無可忍,最後向佢哋重申,若然再唔處理,我哋就唔會交租!」
租戶指管理公司最終亦沒理會,其後更收到要求離場通知信,至今年五月底終被截止水電。「當時大家惟有離場,但事隔個幾月,佢哋竟然冇去善後,場內啲嘢一直冇清理,啲臭味都傳晒出嚟!」
百佳向承辦商興訟
「呢個咪就係判上判嘅問題囉,根本都無監管嘅!大家只係想做好個場,但若其中一層唔合作都無辦法搞好。」租戶稱,曾向房署及百佳反映,但雙方均指「唔關我哋事」,拒絕處理,租戶只好向本報反映。
百佳超級市場發言人表示,厚德邨美食廣場的管理及使用權是由承包商金裕信公司負責。本年五月尾由承包商封閉。