陳智燊今日擔任荃灣一個強積金活動嘉賓，身邊有不少朋友投資基金同股票，令佢都思考理財是否一定要置業，不過佢透露現時都積極儲錢買樓，且婚後已經將財政大權交由太太宋熙年負責。

陳智燊又自認大洗，始終藝人裝身費係最大開支，問佢同太太邊個大使啲？佢笑笑口話：「我認咗係我，咁會好受啲。」

對於有指Celine妹妹被爸爸當搖錢樹，陳智燊表示無了解整件事，不清楚詳情，作為外人不便評論，但小朋友唱歌有天份係值得鼓勵。雖然仲未做爸爸，不過佢已經幻想吓將來點教小朋友喇：「我以前成日被打，依家唔可以打啦，但會諗下自己做仔時有乜做錯，然後去教。」