流亡美國的「紅色富豪」郭文貴 ，曾經大爆中共醜聞， 兩年多前已經警告香港人，大爆國安、公安經常跨境在港執法。重看過去半年逆權運動，這位與共產黨交手的紅色富豪果然「先知先覺」。

君不見警務處處長鄧炳强，一上任就上京「朝聖」，在天安門看著國旗「感動」一番，還口口聲聲感謝公安支持支持，語氣十足跟老細稟報一樣。不過近年郭文貴已靜下來，事關無水自然沒咁好唱口。

說穿了，郭文貴又點鬥得過共產黨呢？小宗早排出海，經過他在南灣道間「行宮」，雖然有鶴立雞群之勢，行宮向海一方，還安放一座佛像保佑、保佑，不過恐怕此乃「泥菩薩」，事關呢間市值起碼31億元的豪宅 ，今年5月已經被律政司釘契充公，因為物業涉及 「有組織及嚴重罪行」，唔單止呢幢豪宅，郭文貴在香港的銀行戶口都已經被律政司一一清算。

揭開這個大陸富豪的銀行財產，今日香港人都可以作為借鑑。郭文貴收埋最多現金的銀行戶口，是新加坡DBS銀行，折合有15億元，當中一半揸美元、另一半揸港元，放在滙豐及中銀戶口的cash，只是幾百萬港元，呢類富豪又點少得個瑞士戶口呢？放在瑞銀全數是1500萬美元。參考落難富豪嘅家產，香港人現時湧去開離岸戶口兼揸美元 ，是對的！

撰文：財經組

攝影：攝影組

-----------------------------

【壹週刊直播平台 ChannelNEXT】

全城抗暴 區區論壇同你深度剖析

立即睇



-----------------------------

【升級壹會員登記站 為你解疑難！】

親臨旺角做升級壹會員，即送「香港人：抗爭之夏」限量明信片

詳情地址