日本女星有村架純為NHK晨早劇《雛鳥》擔任女主角，噚日終於完成長達近一年嘅拍攝，呢場煞科安排本月底30日嘅大結局中播出。

24歲嘅有村架純憑《雛鳥》躋身成國民女星，昨晨播出第133集都錄得21.5%收視，至今平均收視達20.1%。當有村架純拍罷最後一場戲，工作人員在場播放事先剪輯好嘅劇集花絮，搞喊眼淺嘅有村，形容接拍呢套劇係佢嘅寶物，深感光榮。

《雛鳥》中飾演有村父母嘅澤村一樹、木村佳乃以及其他拍檔都有驚喜現身，並獻上多紮鮮花，令爆喊嘅有村要用手巾仔抹眼淚。