韓國男團JYJ成員朴有天現時正在服兵役，去年佢陷入性侵醜聞，但最終被警方證實冇嫌疑，而佢亦被爆撻着南陽乳業集團外孫女黃荷娜，兩人更將於今年秋天結婚。

之前曾傳出婚期會喺9月10號或9月20號舉行，但因場地曝光，令佢哋就要另覓日子，不過今日根據《Starnews》嘅報道，兩人已於3月進行相見禮，並定於9月10日行禮，現時正為婚禮準備。對於朴有天婚期確定嘅消息，佢所屬事務所就話：「目前並未接到準確婚期嘅相關消息。」

另外，黃荷娜日前喺Instagram上載咗一段短片，短片中有用蠟燭砌成嘅心心，地上放滿粉紅色；白色汽球，黃荷娜更留言表示自己收到特別驚喜，外界都推測係朴有天為未婚妻準備嘅驚喜，不過黃荷娜就強調唔係被求婚，目前該短片已經被刪除。