【知定唔知？】趙世曾唔知自己做爺爺 趙式浩解話：佢當然一早知
蘋果日報 2020/03/07 19:34
趙世曾趙式浩廖康如
趙世曾日前表示不知兒子有女朋友 （facebook圖片/資料圖片）
城中富豪趙世曾與70年代女星盈盈所生的36歲兒子趙式浩（Howard）日前被爆未婚做老竇，將迎娶NowTV新聞小花廖康如。當日《蘋果》記者致電問趙世曾知否囝囝娶老婆，自己快升呢做爺爺，但他似乎懵然不知：「唔知，你問返我個仔，佢冇同我講。」
趙式浩今日在facebook為爸爸解話：「老豆(竇)係最早知道嗰個，我們每周末一齊食飯，他當然一早就知道，係我一早同佢講幫幫手想低調，答咩都唔知最穩陣。謝謝，父親大人配合。希望大家多給空間康如，她既要養胎，又每天與同事處理新聞資訊，非常不容易。十分感謝各位的祝福。Thank you everyone for the blessing. #謝謝父親 #趙式浩 #孝順父母很緊要 #廖康如」。
趙式浩還貼上一張康如從後攬攬的相片，完全遮住未來老婆個肚，懷孕幾多個月，暫時繼續保持神秘。
趙式浩表示爸爸只是守口如瓶 （facebook截圖）
趙式浩和新聞小花廖康如將結婚，而小朋友將在夏天出世。 （互聯網圖片）