碧咸（David Beckham）呢兩日同成家人去度假，噚日佢就於Instagram貼出去佢哋沙灘玩嘅相，仲同仔仔Cruz玩活埋，得返個頭嚇死人！

迷上玩Instagram即時動態嘅碧咸噚日上載咗條片，片入面見到沙灘，仲有兩個筒倒轉蓋住，突然間兩個筒打開，竟然係碧咸同仔仔Cruz個頭！而碧咸就於片中寫上：「Surprise！」夠晒驚嚇。另外，Victoria都有貼出同大仔Brooklyn遊車河嘅相，享受親子時光。至於Brooklyn就貼上同父母食日本嘢嘅相，仲話父母可愛，夠晒肉麻。