近日，韓國樂壇掀起一場女團爭霸戰，各女團為咗搶人氣、做焦點，都不惜耍怪招，早前女團Girl'sDay就喺新碟記者會上用一招「露底底」嚟做話題，係就係得到網民討論，但係話佢哋唔檢點囉。

不過唔檢點嘅又唔止佢哋，近日一隊叫Bambino嘅四人女子組合，同樣喺學校祝際演出用「露」嚟搶鏡，佢哋仲疑似唔止露底底咁簡單！

有網友近日就公開咗一條Bambino喺今個星期二參加某學校祝際嘅演出片，當中隊長Hadam更係主角，Hadam當日以一副單膊貼身短身背心加超超超超超短褲嘅「戰鬥look」上陣。

音樂一起Hadam就即時大跳性感舞，自摸、趷蘿、扭腰呢啲就係基本動作，之後Hadam就突然以一個半蹲姿態擘大對腳，不停扭下半身，呢個動作仲唔止做咗一次，非常不雅，佢仲因為條熱褲太短嘅關係，被網民發現疑似冇着底底，睇到大家眼都凸埋。

短片被瘋傳之後，網民都留言怒插Hadam話：「點都着返條底褲再上台喇」、「咩都被人睇晒」、「露底仲要配個咁淫蕩嘅表情，似咩樣？」亦有人插埋其他女團，指佢哋為上位而做到冇晒底線。