施念慈丈夫陳鴻業(Alan)下月三日將代表香港隊遠赴哈爾濱,參加全國冬季運動會打冰上曲棍球,到時其父母和太太施念慈都會到場支持。日前Alan在深水埗西九龍中心參加一場冰上曲棍球比賽做龍門,施念慈亦有到場支持。最後Alan所屬的隊伍以五比四勝出。
六歲開始玩
Alan日前說:「我本身打開前鋒,今次做龍門係因為龍門套衫好有型。我六、七歲已經喺加拿大玩冰上曲棍球,返嚟香港之後玩咗兩年,呢種運動花費都幾大,租場每次要百五蚊。初學者最平一套衫都要三千幾蚊,我𠵱家着緊呢套要萬幾蚊。去哈爾濱比賽係代表香港,所以行程政府會有資助。」Alan透露玩冰上曲棍球亦會有些危險,更展示其手臂上的傷痕。
望同場比賽
而施念慈為了陪老公一齊玩,亦決定學冰上曲棍球,她說:「我已經買咗成套裝備,下個禮拜開始學。我冇乜運動細胞,以前都只係玩過兩次溜冰,所以都係諗住一路玩一路學,希望有日可以同老公同場比賽,不過佢咁叻,我有排都唔可以同佢打。呢個運動睇落好危險,但做足安全措施就冇問題。」
哈爾濱天氣寒冷,問施念慈可捱得住?她笑說:「為咗支持老公,就算冰天雪地都要去啦,我哋會停留十二日。」
採訪、攝影:魯萍