由甄柏榮執導、周秀娜、張繼聰、葛民輝、邵美琪、尹揚明、龔慈恩同邵音音等主演嘅開心驚喜劇《女皇撞到正》，將於下月18日上映，但電影公司於，下月1至17號先做優先場，等觀眾可以先睹為快。

老戲骨尹揚明喺戲中飾演阿葛以前好兄弟，但兩人為欠債反目，導演為表達佢哋兄弟情，特別將《忘盡心中情》改歌詞，其中有一句係：「犧牲頭髮褲檔痕，搲足成個字」，阿葛拍呢場戲時，佢當然發揮無限創意，仲同導演一齊改歌詞，連鐵漢尹揚明都被阿葛感染，一齊擦出火花。

戲中飾演義氣江湖大嫂嘅龔慈恩，佢話呢次好多演員係首次合作：「拍喜劇好開心，但同時都好難，要有好多笑點，葛民輝大哥呢種『喜劇勝手』就好容易笑到出嚟！」拍攝呢場唱歌仔戲份，導演安排咗場景布置咗80年代特色，演員們都趁空檔影相留念。

精選娛聞，喺晒《娛果》
http://fb.com/appledailyent