當年今日
關於我們

【師兄你點睇】李寶利份人都幾搞笑(賴維銘)

蘋果日報 2019/12/15 06:00

賴維銘李寶利得意最後一戰旋里多彩師兄你點睇

賴:前騎師賴維銘
記:記者吳文輝
記:李寶利今季獲發全季公司騎師牌照,想不到未到季中選擇離開,今日(15日)在沙田作最後一戰,告別香港馬迷。此子人緣頗佳,你認為今日他會否有送行頭馬?
賴:李寶利樣子帶點惡氣,其實份人都幾搞笑,環顧今日他的座騎實力不俗,例如「金碧科」及「寶得住」都有機會入三甲。
要數勝算最高,我認為是第四場五班1800米「得意」。
這匹葉楚航旗下賽駒上場爆63倍巨冷Win令人意外,不過睇馬兒表現,先越過曾經三勝1800米之「火天大有」,再從後力擒潘頓壓陣完全無跑錯之「帝豪寶駒」,擺明技勝一籌。
「得意」五班馬初勝只加五分,我認為不足以反映其表現,有一定着數,今場一檔可更主動,質新馬不斷進步,加上李寶利必想報答支持及留下美好回憶,呢個寶尾唔怕追。
記:除李寶利外,貝力斯不續約,反而留低嘅希威森,到目前尚未開齋,未知今日能否作出突破。
賴:雖然希威森未贏馬,但出名好人的石哥徐雨石都時有關照,第七場三班1200米泥地賽他們的「旋里多彩」我認為有一點冷味。
此駒上季跑泥曾有過好表現,力迫「酷比哥」,不過之後晨課並不完整,相信曾受傷影響進度。
今季暫只跑過一仗,放到埋門散咗,最近馬兒明顯受操,健康回穩,論馬底質唔差,不妨留意。
-------------------------------
參加《玄機解馬》節目,可免費畀美女堪輿學家唐碧霞睇八字、睇相指點迷津,快啲入嚟報名。
點擊即可免費睇相
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
-----------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇
empty
得意(9號)