韓國新聞網站《News1》邀請20位電影專家作出嚴選，從今年喺韓國上映嘅電影及出演嘅演員作出評選。

當中喺年度電影方面，有7位專家就推選咗《北寒諜戰》，賣座電影《與神同行：終極審判》有5票，《國家破產之日》及《完美的他人》分別得3票及2票，而《毒戰寒流》及《小公女》就有1票。

年度海外電影由今日成功邁向800萬人次嘅《波希米亞狂想曲：搖滾傳說》(Bohemian Rhapsody)共得8票奪得、《人肉搜尋》（Searching）有4票、《登月第一人》（First Man）則有2票，其他得1票為《以你的名字呼喚我》（Call Me by Your Name）、《星夢情深》（A Star Is Born）、《聖鹿獵殺》（The Killing of a Sacred Deer）、《挑戰者1號》（Ready Player One）、《廣告牌殺人事件》（Three Billboards Outside Ebbing, Missouri）及《復仇者聯盟3：無限之戰》（Avengers: Infinity War）都得1票。

年度導演獲得9票為《北寒諜戰》嘅尹鐘斌，《與神同行》系列嘅金容華得5票，《燒失樂園》嘅李滄東得2票，其他四位導演得1票。

演員方面，年度男演員就由《暗數殺人》、《與神同行：終極審判》、《北寒諜戰》嘅朱智勛以6票奪得，得4票男星為河正宇和李聖旻，劉亞仁和趙寅成得2票、黃政民得1票，其中一名專家棄權冇投。年度女演員由《國家破產之日》嘅金惠秀以8票奪得，韓智敏、孫藝珍及金泰璃得2票、得1票女星包括孔孝真、廉晶雅、朴寶英、全鍾瑞、金喜愛，以及一名專家棄權投票。

年度最矚目男演員就由已故男星金柱赫以一半票數，合共10票奪得。Steven Yeun得3票、尹敬浩、奇洙峰得2票、金東旭、劉在明、趙宇鎮各得1票。年度最矚目女演員就由陳瑞妍和金香起各得6票奪得，李珠英得3票，以及權素賢、藝秀晶、金善英和全鍾瑞各得1票。

另外，最佳男新人由6票嘅南柱赫奪得、金英光得4票、李嘉燮得3票、D.O.、金忠吉、朴成勳各得1票，1位專家棄權。最佳女新人由得11票嘅金多美奪得、全鍾瑞得4票、金嘉熙和全汝彬得2票、朴智賢得1票。

精選韓流，喺晒《娛果》
http://fb.com/appledailyent