巨鴨來了，種種咄咄怪事，開始陸續發生。重口味嘅，有盧覓雪BB嘟嘴錫鴨鴨；睇到火都嚟嘅，係有家長唔阻止自己嘅小朋友企上24隻其中兩隻鴨鴨上影相相。唔通就係因為冇標明不准企立，就可以企上去影沙龍？

另一騎呢之作，係佢——32D0靚模ArYu曾寶玲。佢今朝獲海港城批准、進入小鴨展區影相，點知一埋位就剝、只圍住浴巾與鴨合照，令人嘩然。咁都得？梗係唔得啦，嗱嗱聲被海港城「請走」。

之不過，ArYu被逐離場之後，冇走到，反而走咗上去商場，喺露天走廊位置再摔泡泡影相。因為ArYu身材太豐滿，又只係包住條毛巾，動作一大…唉呀，疑似露點(或乳貼)，仲俾人影晒，放上網瘋傳。唔少人都話:「目的已達!」亦有人批評佢咁樣做博出位，同RubberDuck宣揚和平主題完全風馬牛不相及喎。

黃秋生頭先就喺微博話喇﹕「0靚模尖沙嘴抽水，鴨仔多得佢唔少!」