球隊嘅賽程大家好清楚，所以好多球員、教練被爆格，都係佢哋去咗比賽嘅時候發生，禮拜三巴黎聖日耳門（PSG）踢緊法聯盃嘅時候，主帥艾馬利位於七樓高嘅住宅就被小偷光顧，失竊嘅財物之中，其中一樣估唔到係佢麾下球員尼馬嘅簽名波衫，情況都幾搞笑，好似呢位主帥都係尼馬嘅球迷咁！

而其他財物方面，就有隻6,000鎊嘅勞力士手表，同埋佢老婆嘅兩個Chanel手袋，唔知夠唔夠件簽名波衫值錢呢？