當年今日
關於我們

隔牆有耳:邊位唔識大美人? - 李八方

蘋果日報 2008/12/31 00:00


有大美人之稱嘅林青霞,喺學者眼中可能微不足道。城市大學校長郭位噚日同傳媒飯局,咁啱五虎將嘅苗僑偉、黃日華同湯鎮業,另加任達華,喺同一食肆做飲食節目,郭位唔係香港人,所以對呢幾位家傳戶曉男星冇乜反應。
郭校長又自爆,早前由台灣搭飛機返港,見到好多人圍住一個人大嗌黎明,佢話當時唔明點解啲人咁興奮,後來先知黎生係四大天王之一。郭位唔識港星,連台星都唔多曉,話說有次佢出席龍應台新書發佈會,見到有位女士望住佢,佢卻唔識對方,後來龍應台介紹,先知眼前人就係林青霞!大家咪以為校長活在象牙塔冇娛樂,佢都有偶像㗎,就係蕭芳芳。