日本組合乃木坂46人氣成員白石麻衣，噚日喺東京明治神宮球場出席棒球賽開球禮，着住粉紅色棒球衫現身，現場球迷見到靚女出現都好high咁不停歡呼，麻衣開球時仲有隻企鵝吉祥物陪住。不過，後來仲有另一隻吉祥物出現，就係同麻衣一樣着住粉紅色棒球衫嘅草泥馬。

麻衣見到隻個樣好萌好趣緻嘅草泥馬吉祥物時，佢都好high，不斷摸隻草泥馬，又搞人哋隻耳仔！而麻衣所屬嘅乃木坂46，就將會主演一套講壘球嘅劇集，今次開球禮啱晒佢可以練習下先。