當年今日
關於我們

【睇通睇透】評分減到離晒地 呢鋪堅過石堅(魯賓遜)

蘋果日報 2018/09/06 21:23

堅離地睇通睇透醒目再臨魯賓遜

今季已進行了兩回合共18場賽事,大熱門馬成績五冠六亞,入Q率高達61%,但勝出率則比上季平均稍低百分之二,而且今季有七匹頭馬的賠率超過十倍,賽果冷頭熱腳的情況特別多。
這可能是因為近期賽事出馬少,票數過於側重於大熱門馬身上,尤其是潘頓的座騎,遂令其他對手的賠率變得超值,好似贏完又贏的「英明勇將」,開鑼日(2日)取得跨季連捷,爆11倍冷門贏馬。
其實今季呢七匹冷門頭馬,大部份都有賽績根據,而且賽前亦曾試閘,備戰工夫做足,只是試閘走勢平平,名次落後不顯眼,因而出賽時令人忽視。
不過,牠們經過試閘打磨後,提升了競賽的意識,狀態無形中有所進展,出賽與試閘時的表現,簡直判若兩駒。
周日(9日)列陣第四場五班1400米的「堅離地」,呢匹愛爾蘭自購馬現時僅四歲,上季後期出賽表現已有進步,今季更會踏入大熟期,目前僅36分,定必有力在第五班贏馬反彈。
此駒在8月27日曾試1200米泥閘,全程居中跟跑,最終輸五又四分三馬位跑第九名,走勢毫無睇頭。
「堅離地」在最近一星期再快操兩課,今晨(6日)由副練鍾占棋落草地彈閘,瀟開大步,出腳爽朗,表現充滿角逐情緒,狀態比試閘時好好多。
今場報跑盲門路程田草1400米,部署似開鑼日縮程爆冷入Q的廐侶「醒目再臨」,隨時有驚喜表現。