達美安小登科 邊位前曼聯隊友捧場?
結婚曼聯意大利舒尼達連阿利斯奧施斯達美安法蘭絲卡
曼聯的意大利籍後衛達美安喺當地時間周三中午,於家鄉萊尼亞諾附近市鎮雷斯卡爾迪納一間教堂,同未婚妻法蘭絲卡正式拉埋天窗。
達美安同法蘭絲卡自細已青梅竹馬,拍拖已有近10年,決定喺今年正式注冊,結束愛情長跑。婚禮規模唔算大,達美安只係請了一班親朋戚友,而曼聯則只有一名前隊友有份到場道賀,就係同樣喺幾天前結婚嘅舒尼達連。呢位現時效力愛華頓嘅法國中場拖埋妻子卡美莉一齊,兩對新人一齊影合照,可以話互替對方開心;另外,達美安喺拖連奴效力時嘅隊友阿利斯奧施斯,亦有畀面蒞臨。
27歲嘅達美安,今季喺英超只得15次正選上陣,尤其上半季完全不受重用,但下半季因傷兵眾多,開始獲得較多披甲機會,並轉踢左閘,喺歐霸盃決賽對阿積士時就正選。近日被問到前途問題,佢就話自己同曼聯仲有兩年合約在身,要睇事態發展。