居住在長沙灣自置公屋的朱生，翻查資料持有12萬股滙豐控股股份，市值約900萬。所屬公屋多年來沒有維修，外表相當殘舊。記者經登記後探訪，大堂保安稱：「朱生？佢應該一個人住...」似是獨居。

記者甫到朱生單位門口，接門鐘不久便有人認門，記者表明來意，詢問是否滙控股東，他初時表現有點愕然，問記者：「你又會搵到嚟嘅？」後，大方接受訪問，並表示：「我都係講吓㗎咋！」由於訪問正直傍晚時份，朱生家中未開燈，屋內較暗，記者只看到大門連接長走廊到大廳，大廳放置了神枱，典型公屋風格。

他向記者稱，退休前從事證券業界，持滙控逾10年，購入平均價約80多元。股份派息時，多選擇以股代息，本身亦有參與09年「世紀供股」。

朱生縱橫股海多年，退休前在新永源證券工作，現為全職股民，兒子現時出國讀書。滙控周一派發中期成績表，他預料業績「小好，唔會太好」：「佢勝在有息派，息率高。」以往都曾投資過不少股票，但現時以持滙控居多，短期內不會減持。

朱生對現今的股票市場亦有一番體會：「以前都無咁犀利，依家啲股票，（公司）冚唪唥(全部)都無錢賺，得個殼就上市，換（馬）嚟做乜，唔通換小米（1810）？買咗又無錢賺，又無息派！好似明知間公司蝕緊錢，你仲會唔會入行？」他認為「新股一定唔掂得，尤其係我依個年紀。」

回想歷年炒賣的股票，朱生指王朝酒業（828，停牌多年）算是最傷，對於港交所行政總裁李小加表現，他就指：「呢個就係論盡囉，供家新股隻隻都唔得，都俾佢哋上市。好似828咁，無聲無氣，不如直情close（除牌）咗佢！」

談到投資心得，朱生說都是還原基本步，「睇有賺錢能力，公司始終都係做生意，新股？和就走，賺錢就走。」至於中美貿易戰，他就指：「始終都係弱肉強食，特朗普兩面(頭)蛇嚟，但中國人始終都係無大志。」他認為整個8月港股走勢都不太好，自己已減持一部份地產股，未來一個月策略都是「反彈走人」，但不會減磅滙控，「暫時唔走，等錢使咪走。」

記者：梁延宇、周家誠

全球樓行 Dream House零距離
https://hk.feature.appledaily.com/overseasproperty