港鐵車廂「禁止使用電話」？如果係真，你會點呢？

下午3時許，讀者黎先生乘一列港鐵觀塘綫開往油麻地方向的列車，至九龍塘站時，於近車頭車廂內抬頭一看，赫見路線圖旁有一個寫有「禁止使用電話」的白色標誌，深感奇怪。「應該冇乜人留意到，做得太似（一般港鐵標誌）！」黎先生直言從無見過該標誌，其他乘客亦不以為意。

不過，黎先生細心一看，就發現該張貼紙係「玩嘢」標誌，以英文列明保持眼神接觸及微笑（maintaincontinuouseye-contactandsmile），否則「最高罰款1,000擁抱」，」他笑說感到幾得意、幾幽默：「似graffiti（塗鴉），幾玩嘢，幾過癮，叫人唔好耷低頭，（因會）miss（錯過）咗好多嘢，亦唔會睇到呢個標誌。」

據知，該標誌非首次於車廂內出現，有媒體於一星期前報道過，有乘客發現港鐵車廂內的「請勿飲食」標誌旁，竟然貼上此「禁止使用電話」標誌。對於有關貼紙「再出現」，而港鐵發言人回應，今日未有接獲有乘客報告，一旦收到，會立即安排職員往清理。而根據港鐵附例第32條內列明，除非得到港鐵特准，否則任何人士不得在車站任何部份張貼標語牌、傳單、廣告及其他物品，違例者最高可被判罰款5,000元及監禁3個月。不過，發言人強調，會視乎情況而定，但提醒乘客切勿在車站內張貼任何物品，若有人見到，可即時聯絡職員作出跟進。

想睇最新消息？　即時follow【現場－蘋果突發】 fb！ http://fb.com/applecitycrime