美國歌手瑪麗嘉兒（Mariah Carey）同艾頓莊（Elton John）都喺樂壇有好重嘅地位，能夠請到佢哋表演，除咗要夠面子之外，仲要好有錢。俄羅斯富商Valery Kogan為咗孫女Irene可以有個難忘大日子，喺周六於倫敦搞結婚派對時，重金禮聘瑪麗同艾頓莊表演，據悉兩人合共表演費高達350萬英鎊（約3,264港元）。艾頓莊仲表演咗12首歌，十足十開個唱。

瑪麗今次表演冇欺場，仲請埋新娘子上台跳舞。西班牙影星安東尼奧班達拉斯（Antonio Banderas）亦係座上客，有份於婚禮致辭。連英國著名DJ Mark Ronson都獲邀請於現場打碟，真係好有面。