聖誕節啱啱過，相信唔少市民都趁假期「返鄉下」，去日本玩番轉，香港藝人曾志偉都唔例外，去咗日本北海道旅遊，不過就唔好彩發生車禍，仲撞正警務處刑事及保安處處長李志恒架車。誰是誰非就要等當地警方查喇！不過八方就留意到，原來之前日本OTS租車公司就已經公佈，話今年11月到下年3月，唔會租車畀「不習慣在雪地開車」同「緊急情況發生時，無法用日語溝通」嘅人。

嗱！佢唔係淨係針對香港人架，因為公告仲有英文同韓文版，明顯就係大包圍啦！而且都係因為北海道喺降雪其間特別多交通意外，為咗安全起見先叫人唔好租車「自駕遊」啫！至於聽唔聽勸啦喎，就睇番「個別人士」啦！