噚晚張惠妹為江蕙台北演唱會擔任嘉賓，著住5吋高踭鞋嘅阿妹情緒high爆，不過咁開心嘅事，為發生咗一個小小意外，就係阿妹竟失平衡慘跌喺台上面，嚇到江蕙即刻扶起阿妹仲話：「為我犧牲這麼大。」阿妹就好尷尬咁話：「我自己的演唱會都沒有跌倒過，我今天好激動。」

江蕙安慰阿妹跌得都幾好睇，阿妹自嘲話：「跌倒的畫面在網路上會一直重播，跌倒也要漂亮一點，其實我是安排好的，最終場搶一下戲。」由噚晚係江蕙封咪尾場，兩人都激動到先後落淚。完騷之後阿妹經理人表示，因舞台上有粒珠仔，可能係舞蹈員掉下，阿妹趺倒腳瘀咗，佢今日喺微博留言：「我沒事，大家請放心。」