當年今日
關於我們

中環在線:恒生候任一姐 搵外援服侍 - 李華華

蘋果日報 2012/03/01 00:00


周一傍晚,華華喺恒生(011)業績會度赫見一張熟悉的臉孔,就係轉型公關顧問嘅前資深財經記者游淑儀,佢前年年中離開哲基傑訊轉投安可顧問(APCO)出任高級副總裁之後,已經有一段時間冇露面。華華心諗,游小姐冇理由重投傳媒界咁辛苦㗎,莫非同即將卸任嘅恒生CEO梁高美懿轉投政界有關?

唔方便用恒生資源

呢位公關大姐同華華講,千祈唔好諗多咗,只因安可幫恒生候任大班李慧敏(Rose)擔任個人顧問及公關工作,所以親臨現場觀察吓,而Rose姐5月先接掌帥印,呢段期間,唔方便未就任先動用恒生公關團隊資源,所以先搵外援幫手。游小姐又話,前年初退休嘅滙豐亞太區企業傳訊部主管賀迪文(DavidHall),原來都加入咗安可做高級顧問,今次都有份幫Rose姐手。不過游淑儀重申,安可呢次嘅協助工作只屬過渡性質。