當年今日

求驗客手記:基輔鋒將「偷襲」阿仙奴 - 求驗客

蘋果日報 2008/12/01 00:00


上周二阿仙奴憑前鋒賓特拿臨完場嘅入球,以1:0小勝基輔戴拿模,都算係贏得堂堂正正。之不過對手睇嚟唔係咁諗喎!無錯,因為賽後就發現佢哋用過嘅更衣室,大門上面有個大窿喺度!唔通係炸彈恐怖襲擊?!唔係!據我求大俠調查所得,係基輔前鋒阿利夫,俾球證用紅牌趕出場後嬲得滯,於是一腳𡁻落更衣室道門發洩。雖然場波係好緊要,不過咁燥底都唔慌有好表現,阿利夫真係要從錯誤中學習喇,唔係下次受傷嘅可能係自己隻腳。