現年23歲嘅上位女團EXID嘅Hani上周五元旦日被爆同29歲嘅人氣男團JYJ成員金俊秀撻着，佢哋愛得甜蜜，不時爭取時間密密見。而爆出戀情後，Hani噚日就首度為MBC《黃金漁場-RadioStar》進行錄影，佢喺節目中被追問有關男友嘅問題時，佢都表現得小心翼翼，擔心講多錯多。

根據節目嘅製作人今日透露：「Hani同金俊秀嘅戀情啱啱曝光，Hani錄影前好緊張，毒舌又聰明嘅主持金九拉擔心會令氣氛變得尷尬，所以都好小心地提及金俊秀，Hani亦自然地交換咗意見，佢明顯好緊張，但咁樣嘅面貌反而睇起嚟更好，係好有魅力嘅朋友，多虧佢令錄影時喺和悅嘅氣氛下進行」

另外又有關人士大讚Hani係好聰明同好有禮貌嘅人，佢為怕自己會影響錄影氣氛，所以都有好小心地提到男朋友。而Hani錄影嘅一集將於稍後播出。