由日本新世代動畫師細田守監督、原作及編劇嘅2018年動畫電影《未來的未來》，早前入選成為康城影展導演雙周作品，同時也是唯一一部動畫作品，較早前已在電影節上搞全球首映並大獲好評，細田守偕同負責聲演嘅上白石萌歌同訪當地，電影結束後全場觀眾鼓掌長達6分鐘。

《未來的未來》將於7月20日在日本上映，未在當地本土開畫已屢傳喜訊，最近還入選法國安錫國際動畫影展2018長篇部門，呢個於6月11日至16日舉行嘅動畫界盛事，係國際動畫協會所認可嘅四大動畫影展之一，有望角逐動畫界嘅最高殊榮。值得一提嘅係，細田守監督舊作《穿越時空的少女》也曾經獲得2007年度嘅長篇部門特別獎。

《未來的未來》香港及澳門上映日期鐵定8月23日，細田守監督亦將會首次訪港參與電影宣傳。

精選娛聞，喺晒《娛果》
http://fb.com/appledailyent